Merkato është ende larg, por PSG nuk dëshiron të humbasë kohë. Gazzetta dello Sport shkruan se parisenët dëshriojnë të kenë në gjirin e tyre sulmuesin portugez të Milanit, Rafael Leao.
Gjigantët francez janë të gatshëm të ofrojnë 70 milionë euro për kuqezinjtë dhe 6 milionë euro në sezon për lojtarin. Shifra këto të kënaqshme për të gjithë, por “Djalli” duket se nuk është gati për të hequr dorë nga shërbimet e një ylli të tillë.
Gjithsesi, PSG do tentojë deri në fund për të bindur 22 vjeçarin e lindur në Almada. Leao është një emër i njohur për Ligue 1, pasi ka kontribuar për Lille.
Milan shpreson që të mbajë lojtarin edhe për 2 sezonet e ardhshme, ashtu siç është e shkruar në kontratë. Leao ka qenë protagonist absolut i kryesuesve të Serie A këtë edicion futbollistik.
