Forca Operacionale e Drejtorisë së Tiranës vuri në pranga ditën e sotme Elmir Tufën.
I cilësuar si një person me rrezikshmëri të lartë shoqërore, ai akuzohet për vrasjen e biznesmenit Shkëlzen Kastrati në vitin 2021 në qytetin e Fierit. Balla përgëzon policinë për operacionin e kapjes së këtij autori të dyshuar të vrasjes së Kastratit.
Nga ana tjetër ai shprehet se ka ende persona në kërkim apo ngjarje kriminale të pazbardhura që nuk mund të harrohen nëse autorët nuk përballen me drejtësinë.
Reagim i Ministrit të Brendshëm, Taulant Balla:
🇦🇱 Një tjetër person me rrezikshmëri të lartë, i shpallur në kërkim për vrasje, u ndalua sot nga Forca Operacionale e Drejtorisë së Policisë📍Tiranë. Nuk duhet të harrojmë se kemi ende shumë persona në kërkim, ngjarje të rënda pa autor, e vrasje të vjetra që nuk mund të harrohen nëse autorët nuk përballen me drejtësinë. Përgëzime për sot🙏🦅
