Opozita parlamentare do të ketë takim me ambasadoren e SHBA-së Yuri Kim. Takimi do të mbahet në rezidencën e ambasadës ndërsa, një ditë pas arritjes së marrëveshjes për reformën elektorale.
Më 4 qershor opozita parlamentare i dërgoi një letër ambasadorëve ku shprehej se nuk do ta votojë kodin e ri zgjedhor nëse shumica në kuvend nuk do të krijojë kushte dhe garanci për një dialog serioz për kalimin nga listat e mbyllura tek ato të hapura. Më tej shkruhet se përjashtimi i plotë i opinioneve të larmishme i opozitës parlamentare është fyes. Ndërsa mbrëmë Rudina Hajdari, deputete e opozitës parlamentare u shpreh se firmosi marrëveshjen për të mos penguar integrimin e Shqipërisë drejt BE.
Në takimin e sotëm janë 3 kryetarët e grupeve parlamentare Myslim Murrizi, Edmond Stojku dhe Nimet Musai, dhe përfaqësuesja e opozitës parlamentare në Komisionin e Reformes Zgjedhore, Rudina Hajdari por dhe ambasadori i BE-se, Luigi Soreca.
