Mëngjesi i sotëm duket të jetë me i bukuri për Turjan Hyskon dhe Orinda Hutën të cilët janë zgjuar krah vajzës së tyre.
Ditën e djeshme ata u bënë prindër për herë të parë, duke mirëpritur në jetë vajzën e tyre të cilën e kanë quajtur Atara, një emër tepër i veçantë.
Orinda na ka servirur sot kartolinën e parë familjare që s’mund të ishte më e bukur se kaq. Ajo ka postuar në Instastory një foto nga spitali ku shihet pranë Turit dhe Atarës, të cilët po flenë. “Mëngjesi ynë i parë të tre”- ka shkruar ajo krah fotos.
Ndryshe nga shumë personazhe të tjerë të njohur, Turi dhe Orinda na kanë prezantuar menjëherë me portretin e të bijës.
Ishte vetë producenti ai që postoi një foto dje teksa e mbante në krah të voglën dhe duhet ta pranojmë se i shkon shumë roli i babait. Më pas, ai postoi edhe një foto të Orindës dhe Atarës me mbishkrimin “Po flenë gocat!” /News31
