Rruga Boboshticë – Dardhë në Korçë është bllokuar për shkak të një orteku dëbore. Qarkullimi i automjeteve është bllokuar në të dy kahët e lëvizjes.
Në vendngjarje kanë shkuar borëpastrueset, të cilat kanë nisur punën për zhbllokimin e rrugës. Nga rënia e ortekut nuk ka raportime për persona të lënduar apo për dëme materiale.
Qarku i Korçës prej disa ditësh është përfshirë nga moti i keq. Reshjet e dëborës kanë shfaqur edhe problemet e para në disa fshatra, ku ka pasur vështirë në qarkullim.
Ndërsa, akset kryesore nacionale janë të hapura dhe qarkullohet lirisht, ndërsa policia u ka bërë thirrje drejtuesve të mjeteve që të bëjnë kujdes.
