Për herë të parë kryeministrisë Edi Rama flet për situatën e koronavirusit COVID- 19. Shkak u bë një batutë me arkitektin që ishte i pranishëm në bashkëbisedimin me banorët e Shijakut të dëmtuar nga tërmeti.
Rama komentoi audion e publikuar nga Partia Demokratike ku në qendren shëndetësore nr 8 personeli ngre shqetësimin se nuk ka uje e as alkool. Rama tha se janë marrë te gjitha masat, se ka probleme aty ketu por nuk ka lidhje me realitetin.
Edi Rama: “Ka në Shqipëri që duan me qëllim të përhapin panik dhe së fundmi janë munduar të thonë që ka ardhur dhe jemi munduar ta fshehin, asgjë nuk është e vërtetë. Mos ardhtë kurrë, por I kemi të gjithë përgatitjet tona dhe nëse vjen do ta përballojmë.
E rëndësishme është të ndjekim të gjitha burimet zyrtare dhe të mos i referehohemi produkteve të papërgjegjshmërisë së mediave, apo episodeve të turpshme skandaloze, jo ka alkool jo s’ka alkool. Kjo është papërgjegjshmëri dhe nuk ka të bëjë fare me realitetin. Kur Franca që është vendi me sistemin shëndetësor më të njohur për organizimin dhe eficencën detyrohet të bëjë sekuestrimin e të gjitha maskave nga të gjithë se u bë nami kot”
