Një biznesmen për pak sa nuk ka humbur jetën pasi super makina e tij mori flakë papritur.
22-vjeçari, Lak Sira e kishte çuar Lamborghini Gallardo-n e tij në servis dhe më pas ishte nisur për rrugë në momentin që vuri re se diçka nuk shkonte.
Vetëm pak më vonë makina e tij shpërtheu nga flakët, por për fat të mirë, ai dhe e dashura e tij kishin dalë nga automjeti në kohë.
Lak e kishte dërguar makinën e tij 145,000 euroshe në një servis dhe pasi kishte paguar një faturë prej 11,000 eurosh, e mori dhe u nis për në shtëpi bashkë me të dashurën.
Incidenti ndodhi të premten ndërsa 22-vjeçari dhe e dashura e tij po ecnin në autostradë. Ata dolën jashtë makinës pasi kjo e fundit filloi të nxirrte tym.
Biznesmeni i ri fajëson servisin për shpërthimin e Lambos së tij ngjyrë ari dhe ka njoftuar se do t’i hedhë në gjyq.
