Ashtu si shefi i tij pak minuta më parë, edhe kreu i Grupit Parlamentar të Partisë Socialiste Taulant Balla, me anë të një statusi në “Twitter” mbështet ligjin që censuron mediat.
Sipas Ballës, ligji është në një linjë me standardet ndërkombëtare dhe rekomandimet e OSBE-së.
Ai shton se nesër, ky projekt-ligj mbështetet me votë në Kuvend, kurse shton se më pas do të ketë zbatim e monitorim.
“E qartë si drita. Dokumenti integral http://www.parlament.al/News/Index/9800do… është në një linjë me standardet ndërkombëtare dhe angazhimet tona në kuadër të OSBE. Faleminderit të gjithëve që kontribuan! Nesër mbështetja me votë në Kuvend dhe më pas zbatimi & monitorim”, shkruan numri dy i PS në rrjetet sociale.
