Gjykata e Durrësit ka komunikuar masën e sigurisë për personat e arrestuar në lidhje me hetimet pas tërmetit të datës 26 nëntor. Gazetarja Glidona Daci raportoi për abcnews.al se seanca vijoi më tepër se katër orë dhe se ka pasur humbje ndjenjash nga familjarët të cilët nuk e pranuan vendimin për të afërmit e tyre. Vendimin e Gjykatës e kanë cilësuar si skandaloze, situata ka qenë e tensionuar, familjarët nuk e pranuan vendimin e Gjykatës e cila la në burg të afërmit e tyre.
Vendimi i Gjykatës së Durrësit:
Arben Isaku, 42 vjeç, ish-drejtor i ALUIZNI-it Durrës, arrest me burg
Klajdi Lame, 32 vjeç, inspektor i Inspektoratit Ndërtimor Urbanistik Durrës, arrest me burg
Albrend Qetka, 35 vjeç, specialist në terren pranë ALUIZNI-it, Durrës, arrest me burg
Kujtim Hasa, 53 vjeç, shefi i shërbimeve të shtëpisë së pushimit të Ministrisë së Brendshme, arrest me burg
Ahmet Doda, 52 vjeç, drejtor i shtëpisë së pushimit të Ministrisë së Brendshme, arrest me burg
Rruzhdi Xheka, 79 vjeç, ndërtues i “Hotel Mira Mare”, arrest me burg
Avdulla Osmani, 61 vjeç, ndërtues “Hotel Tropikal”, arrest me burg
Defrim Celami, 44 vjeç, specialist i ALUIZNI-t, arrest me burg
Nevjana Isufi, 45 vjeçe, pronare e një studio projektimi, arrest me burg
Avokatët mbrojtës janë shprehur se nuk janë këta persona që kanë bërë të mundur firmosjen apo falsifikimin e dokumenteve. Avokatët mbrojtës gjithashtu kanë kurkuar që hetimet e prokurorissë të fillojnë në hallkat më të larta. Sipas tyre duhet të hetohet edhe Flamur Gjuzi i cili nuk gjendet në Shqipëri pasi është larguar./abcnews.al
