Më shumë se 143 mijë seanca dialize janë kryer në 9 muajt e parë të vitit 2020 në spitalet publike dhe private me financim 100% nga Fondi i Sigurimit të Detyrueshëm të Kujdesit Shëndetësor. FSDKSH thotë se pacientët marrin shërbim cilësor me kushte e standarde bashkëkohore. Fondi i Sigurimit të Detyrueshëm i Kujdesit Shëndetësor informoi se më shumë se 143 mijë seanca dialize i kanë kryer qytetarët në nevojë për këtë shërbim jetik, falas dhe në kushte bashkëkohore, vetëm gjatë periudhës Janar-Shtator 2020.
16331 seanca janë kryer vetëm gjatë muajit shtator. Pavarësisht pandemisë dhe situatës së jashtëzakonshme, financimi i paketave shëndetësore dhe shërbimi i specializuar nuk është ndërprerë duke plotësuar nevojat e çdo pacienti. 16331 seanca vetëm gjatë muajit Shtator. Me gjithë situatën e vështirë të shkaktuar nga COVID19, FSDKSH vijon pa ndërprerje ofrimin falas të paketave shëndetësore.
Prej vitit 2015, pacientët shqiptarë përfitojnë paketat shëndetësore të nefrologjisë dhe kardiokirurgjisë pa pagesë, si në spitalet publike, ashtu edhe në ato jopublike. Pacientët përfitojnë 10 shërbime spitalore si dializa, transplanti i veshkave, trapia e flakjes akute, pacemaker definitiv, angiografi koronare, angioplastikë koronare, interventet valvolare, interventet kongenitale, bypass koronar, implanti koklear për fëmijët me probleme dëgjimi. Këto paketa financohen 100% nga Fondi i Sigurimit të Detyrueshëm të Kujdesit Shëndetësor dhe zbatohen në bazë të protokolleve të miratuara nga Ministria e Shëndetësisë.
