Një grua në spitalin civil të Palermos ka humbur jetën. Mediat e huaja bëjnë me dije se kur mjekët u kanë dhënë lajmin e trishtë për vdekjen e 70-vjeçeres, familjarëve këta të fundit janë revoltuar.
Mësohet se ata kanë goditur dhe shkatërruar shkatërruar gjithçka që u ka dalë para. ‘Jemi bërë dëshmitarë të skenave far-west’, – kanë treguar mjekë dhe infermierë. Mediat raportojnë se ata kanë shkatërruar dhe sjellë dëme prej mijëra eurosh.
Për të qetësuar familjarë dhe ndaluar shkatërrimet e mëtejshme është dashur ndërhyrja e dhjetëra karabinierëve, të cilët i kanë bllokuar dhe denoncuar dëmtuesit e pronës publike. Bëhet e ditur se gruaja nuk ka vdekur për ndonjë gabim të mjekëve por ka pësuar infarkt.
