Pamje nga lufta në Ukrainë vijojnë të tronditin botën. Fotoja e publikuar ditën e djeshme, ku gruaja me dy fëmijët dhe qenin u masakruan pamëshirshëm nga rusët tronditi mbarë botën dhe ishte pamja më e tmerrshme e luftës deri më tani.
Babai i tyre është shokuar nga kjo pamje, ndërsa iu ka bërë një nderim të thellë gruas, dy fëmijëve dhe qenit. Sergei Perebeinis, nga Irpin, kërkoi falje mes lotësh, teksa ndau fotot e gruas së tij, Tatiana, 43 vjeçe, Nikita, 18 vjeçe, dhe vajza e vogël Alise, 9 vjeçe, shkruan “The Sun”.
Ato u fotografuan të vrarë në mes të rrugës, në qytetin e rrethuar të Irpinit, jo shumë larg nga Kievi. Ato u goditën nga bombat ruse, teksa iknin përgjatë një korridori evakuimi, me sendet e tyre dhe një transportues kafshësh shtëpiake me dy qentë e tyre.
Imazhet e tmerrshme u shpërndanë në mbarë botën, ndërsa “pushtuan” mediat në titujt kryesorë.
Sergei i bëri homazhe familjes së tij në “Facebook”, duke u ankuar i tronditur se rusët “i morën gjithçka”, ndërsa shtoi se “Tatiana nuk ia doli dot. Doja t’iu shihja për herë të fundit. Më falni, nuk ju mbrojtja dot”.
Sergei besohet se nuk ka qenë me familjen, kur ato u sulmuan, ndërsa ikin me qindra refugjatë të tjerë.
Ndërkohë, ai kërkoi ndihmë në “Facebook” për të gjetur qenin e tij, që kishte mbetur i lënduar dhe që ishte dërguar te një veteriner. “Miku im i mirë fluturoi tek ata tani. E gjeta, ai po më priste. Më dhatë 11 vite emocione, kishte shpresë që të paktën dikush të qëndronte”, shkroi ai. Ndërkohë, qeni tjetër i familjes mbetet i zhdukur.
Më tej, ai vijoi me fjalët prekëse se “Nuk ka fjalë për të përshkruar pikëllimin apo për të ndrequr dhimbjen. Tatiana dhe fëmijët nuk mund të kthehen më, por duhet të parandalojmë vdekjen e njerëzve të tjerë”.(BalkanWeb)
