Një aksident rrugor ka ndodhur ditën e sotme në Mallakastër, aty ku një automjet ka humbur kontrollin dhe është përmbysur në mes të rrugës.

Bëhet fjalë për një mjet me ngjyrë të kuqe, ndërkohë mësohet se janë lënduar dy persona të cilët po marrin ndihmën e parë anash rrugës.

Policia është nisur menjëherë në vendngjarje së bashku me grupin hetimor dhe po punohet për zbardhjen e plotë të rrethanave të ngjarjes. Vlora News ka siguruar video nga vendngjarja aty ku shihet makina totalisht e përmbysur dhe sendet personale që ndodheshin në makinë të cilat janë përhapur në rrugë.