Është sulmuar me mjete të forta një ligjvënës Gjerman i ekstremit të djathtë (AfD), në qytetin verior të Bremenit diçka të cilën policia e cilësoi si një sulm politikisht të motivuar.
AfD fajësoi aktivistët antifashistë për sulmin e së hënës, duke e quajtur atë një përpjekje për vrasjen e përfaqësuesit të tyre Frank Magnitz.
Ajo postoi një foto në Twitter duke treguar Magnitz në një barelë me një plagë të thellë në ballin e tij dhe një plagë të rëndë në syrin e majtë pas sulmit të kryer nga tre persona.
Politikanët nga i gjithë spektri politik e dënuan sulmin dhe i kërkuan policisë që t’i sillte ata para drejtësisë.
“Nuk ka asnjë justifikim për dhunën edhe kundër AfD-së,” – shkruan Cem Ozdemir, ligjvënësi i të Gjelbërve në Twitter. “Nëse e luftoni urrejtjen me urrejtje, ju lejoni që urrejtja të mbizotërojë. “
Policia në shtetin lindor të Saksonisë tha javën e kaluar pas një shpërthimi që kishte në shënjestër një zyrë të AfD se ka pasur një rritje të sulmeve ndaj partisë dhe se shumica e incidenteve ishin akte të vandalizmit.
Policia ndaloi tre të dyshuar që dyshohet të kenë lidhje me shpërthimin që kishte për shënjestër një zyrë të AfD në qytetin e Doebeln por që fatmirësisht nuk shkaktuan viktima.
