Kryetari i PD, Lulzim Basha në një bashkëbisedim me gazetarët ka zbuluar një tjetër dosje që do të trondisë opinionin publik, përpos asaj të dosjes së famshme “339” do të jetë edhe ajo e Dibrës.
Për Bashën në dosjen e Dibrës janë përfshirë Saimir Tahiri, Damian Gjiknuri dhe 4 deputetë të tjerë.
“Në dosjen e Dibrës, janë interceptuar në mënyrë ligjore janë krijuar prova dhe fakte, që Saimir Tahiri, Damian Gjiknuri dhe 4 deputetëve të tjerë janë përfshirë në transaksione të ngjashme si te dosja “339”. Pra lidhje me banda dhe figura të krimit si Ymer Lala, për të ushtruar presion mbi zgjedhësit. Bëhet fjalë për masakrësn zgjedhore të 2016 që ishte prova gjenerale për skemën që u aplikua në zgjedhjet e 2017”, tha Basha.
