Në të gjithë pikat kufitare të Juglindjes bëhet me dije se do të ketë grupe mjekësh të cilët do të jenë në gatishmëri 24 orë Mjekët do të alternohen me turne ndërsa pikave doganore u është shtuar edhe një ambient që do të ekzaminohen rastet e dyshuara.
Drejtoritë e Shëndetit publik prej ditës se djeshme kanë vendosur në terren grupe mjekësh specialistë, të cilët do të verifikojnë çdo shtetas që vjen nga vendet aziatike dhe sidomos të zonave të prekura nga koronavirusi që hyjnë në territorin shqiptar.
Mësohet se deri më tani nga dogana e Kapshticës ka hyrë në territorin tonë vetëm një shtetase japoneze. Pas verifikimit nga grupi i mjekëve, ajo nuk rezultoi të kishte simptoma gripi.
