Kuvendi ka miratuar sot tre projektligjet për reformën e pagave në institucionet kushtetuese dhe administratën publike. Deputetët miratuan rritjen e pagave për deputetët dhe ministrat. Pavarësisht debateve dhe zërave kundër nga radhët e opozitës, por edhe të vetë kryeministrit Rama, pr/ligjet u votua me shumicë të cilësuar votash.
Nga 1 prilli paga e presidentit nga 257.000 lekë bëhet 425.000 lekë, kryeministrit nga 228 000 lekë bëhet 393.125 lekë, zv.Kryeministrit nga 187.000 lekë bëhet 330.000 lekë, kreu i Kuvendit nga 229.000 lekë bëhet 393.125 lekë, ministrit nga 175.000 lekë bëhet 318.750 lekë, deputetit nga 157.000 lekë bëhet 310.250 lekë etj.
Ndërsa rritja për këto kategori është deri në 90 për qind, rritja e pagave për 130 mijë punonjës buxhetorë, me normën e rritjes së inflacionit realisht është zero, thonë kundërshtarët e ligjit të sapomiratuar.
Këtë vendim të pritshëm, në fakt, e kishte parashikuar, me një meme goditëse edhe aktivisti Genc Sejko, që vendosi sipër një foto të deputetëve duke votuar “pro” dhe poshtë një njeri që duket nga mesi e poshtë, sepse pjesën tjetër e ka të zhytur në një kazan mbeturinash, ku kërkon për mbijetesë, një paralelizëm me lëmoshat qeveritare që jepen për 670 mijë pensionistë të cilëve u indeksohet vetëm norma e inflacionit dhe shumicën e të punësuarve që marrin diçka me shumë se rroga minimale.
Votimi i sotëm i dënuar gjerësisht vjen vetëm 11 ditë nga votimet e 14 majit për zgjedhjet vendore, por që u pa si votëbesim për qeverinë e Ramës, që i rriti rrogat…vetes, kurse votuesi të shikojë…plehrat.
