Ministrja e Drejtësisë, Etilda Gjonaj ka konfirmuar se dy drejtues tjerë të burgjeve janë marrë në mbrojtje, pasi janë kërcënuar me jetë. Gjonaj është shprehur se regjimi “41 Biss” do të ofrojë mbrojtje për drejtorët e burgjeve nga kërcënimet nga të dënuarit. Drejtorët do të ruhen nga policia e shtetit dhe struktura e posaçme që është përcaktuar për t’u ngritur nga ligji.
Në Prokurorinë e Krimeve të Rënda kanë ardhur shumë kërkesa për të dënuar, për të cilët kërkohet të futen në sistemin “41 Biss” por ende nuk është marrë asnjë vendim. Pas marrëveshjen me Italinë për kthimin e shqiptarëve të dënuar në Itali, bëhet e ditur se janë rreth 190 persona që kanë bërë kërkesë për të vuajtur dënimin në burgjet tona. Kujtojmë se i pari që u mor në mbrojtje pas kërcënimeve me jetë, ishte drejtori i bugjeve, Agim Ismaili.
