Mbrojtja e Simsek ka kërkuar në seancën paraprake gjykim të shkurtuar, kërkesë së cilës i qëndron edhe në seancën e sotme.
Sipas prokurorisë, viza për në Kanada ka qenë e falsifikuar, ndërsa pasaporta e tij turke ka qenë në rregull.
Pas marrjes në pyetje ka deklaruar në mënyrë të hollësishme në lidhje me gjithë përgatitjen për pajisjen me vizën false. Ka paguar pesë mijë euro për këtë vizë. Nga akti i ekspertimit teknik, ka rezultuar se viza është tërësisht e falsifikuar.
Në këto kushte ai është arrestuar për veprën penale, ndërsa provat vërtetojnë katërcipërisht se është fajtor.
Prokuroria kërkon që kërkesa të merret parasysh edhe duke marrë parasysh gjithashtu edhe kërkesën e Simsek për gjykim të shkurtuar. Mbrojtja ndërkohë, nuk ka pretendime për kërkesën e prokurorisë. Gjykata pranon zyrtarisht kërkesën për gjykim të shkurtuar.
Prokuroria kërkon shtyrjen e seancës për një datë tjetër, për përgatitjen e konkluzioneve përfundimtare të pretencës.
Seanca shtyhet në datën 27 janar, ora 10.00.
