Së fundmi, moderatorja e emisionit “My Living”, Brunilda Lahe, ka bërë të ditur se do të largohet nga ky emision pas 4 vitesh që e prezantonte. Përmes një videoje të publikuar në Instastory nga emisioni, Brunilda shprehet se ajo nuk do ta moderojë këtë emision përkrah Arjon Muçës sezonin tjetër. “Në sezonin e ardhshëm do të ketë ndryshime. Unë nuk do të jem moderatorja e programit, por ky projekt është përtej meje. Jam e bindur se ju do të jetoni bukur, do të jetoni me Living”, shprehet Brunilda. “Faleminderit nga zemra, ka qene nje rrugetim i jashtezakonshem. Sfida me e madhe qe me rriti profesionalisht e me dhuroi kenaqesi e gezime pa mase! Ky projekt eshte pertej meje, pertej nesh. Jam e bindur qe ju do jetoni bukur, do jetoni me Living”, ka shkruar Brunilda krahas kësaj videoje.
