Thashethemet për një iPhone të palosshëm kanë qarkulluar prej kohësh, por duket se shumë shpejt do të bëhen realitet. Apple po ndryshon format e dizajnit të iPhone-ve duke eksploruar prototipe që palosen, të ngjashme me ato të Samsung. Këto pajisje janë ende në fazat e hershme të zhvillimit, pa plane për prodhim masiv në 2024 ose 2025. Apple ka nisur diskutimet me prodhuesit aziatikë për komponentë për dy madhësi të ndryshme të iPhone-ve që palosen.
Prezantimi i një iPhone të palosshëm përfaqëson një ndryshim të rëndësishëm në dizajnin e harduerit të Apple, duke ofruar një alternativë më kompakte dhe portative ndaj telefonave inteligjentë aktualë, megjithëse sfida të tilla si kostot e larta dhe brishtësia në krahasim me modelet jo të palosshme mbeten. Rivali Samsung ka tashmë dy modele te tilla të suksesshme të quajtura “Flip” dhe “Fold”.
