Këngëtarja e ndjerë Aretha Franklin ka fituar çmimin ‘Pulitzer’. Për kontributin e pashlyeshëm në muzikën dhe kulturën amerikane për më shumë se pesë dekada, mbretëresha e muzikës ‘soul’ është nderuar pikërisht me ‘Pulitzer’.
Fituesit e mëparshëm të këtij çmimi të veçantë janë emra të njohur si Bob Dylan, Hank Williams dhe John Coltrane.
Franklin vdiq në muajin gusht të vitit 2018 në moshën 78-vjeçare, për shkak të sëmundjes së kancerit pankreatik.
Këngëtarja u bë gjatë karrierës së saj, që zgjati më shumë se gjysmë shekulli, gruaja e parë që u pranua në Rock and Roll Hall of Fame dhe pati 73 këngë që u renditën në Billboard Top 100.
