Këngëtari korçar Stefi Prifti ka festuar ditëlindjen ditën e djeshme dhe ka ndarë me ndjekësit dhe miqtë e tij një ndryshim madhor nga jeta e tij.
Ai kaloi një moment të vështirë kur bashkëshortja e tij ndërroi jetë në vitin 2015. Por së fundmi, Stefi ka pranuar në një postim në Instagram se pas gjithë kësaj kohe, më në fund ka gjetur dashurinë.
Ai ka postuar dy foto ku shfaqet në praninë e një gruaje, të cilës nuk ja ka zbuluar identitetin.
“Ditëlindja ime këtë vit ka një ndryshim madhor… me vajzat e mia dhe njerëzit e mi të familjes e kam ndarë prej disa kohësh. Është momenti t’i paraprij unë personalisht këtij ndryshimi në jetën time. Për miqtë dhe njerëzit që na duan dhe respektojnë e pashë të arsyeshme të bëj këtë postim në këtë ditë të shënuar… në ditëlindjen time”, ka shkruar ai nën foto.
