Shqipëria dhe Turqia kanë mbërritur në marrëveshje të ndërsjelltë për njohjen e patentave. Qeveria ka kaluar një VKM ku bën të ditur se lejet e drejtimit të Shqipërisë do të njihen në Turqi dhe anasjelltas.
Vendim për miratimin e marrëveshjes, ndërmjet këshillit të ministrave të republikës së shqipërisë dhe qeverisë së republikës së turqisë, për njohjen e ndërsjellë dhe shkëmbimin e lejeve të drejtimit Në mbështetje të nenit 100 të Kushtetutës dhe të nenit 19, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit të Infrastrukturës dhe Energjisë, Këshilli i Ministrave.
Vendosi: Miratimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës së Turqisë, për njohjen e ndërsjellë dhe shkëmbimin e lejeve të drejtimit, sipas tekstit që i bashkëlidhet këtij vendimi. Ky vendim hyn në fuqi pas botimit në “Fletoren zyrtare”.
