Nuk mungon njeriu kur është shpirti!

Sot jam edhe unë në një përkujtesë për artistin Haxhi Dalipi.

Urime djemve të artistit të hollë Haxhi Dalipi për përkujdesin e botimit të librit ” Duke përkujtuar këngën labe”! Urime shtëpisë botuese “Toena” dhe veçanërisht miqve të mi të shtrenjtë Fatmir e Irena Toçi! Eshtë një përkujdesje në kohë të disa harresave, prandaj e çmoj shumë si Lefter, si një burrë i lidhur me këngën fosforine si me jetën time.
Do të doja të isha në Akademinë e Shkencave sot në Tiranë, por pafuqia fizike më mban në Himarë dhe këngëtimin shqip e kam të lidhur me skenat e pallatet e Tiranës. Nuk mungon njeriu kur është shpirti. Edhe sot Vlora ime ishte në Tiranë për një artist si Haxhiu. Art e kujtesë artistash pastë Atdheu im përherë, sepse vetëm kështu mund të themi se kombin e kemi të kulturës e të së bukurës. Engjellofsh në atë botë, Haxhi Dalipi!

Lefter Çipa
Himarë