“Ju prisni që Tahiri do të përballet me drejtësinë dhe të dënohet për faktin se e ktheu policinë në hamalle droge të Habilajve?! Ish-ministri i kushërinjve të drogës, nuk e ka fare shqetësim daljen nesër para gjykatës”. Janë këto fjalët e nënkryetarit të PD-së Edi Paloka që në një deklaratë për mediat thotë se Tahiri po e sfidon drejtësinë, duke shaluar mbi 7.500 euro mbi kalë.
“Shala mbi të cilën relaksohet Tahiri, në internet nuk blihet dot më lirë se 7.500 euro. Prisni më kot drejtësi për ministrin e Habilajve, ai drejtësinë e ka shaluar! Ja dhe adresa ku mund të gjeni edhe ju një shalë me çmim të kripur, që ish-ministri ia lejon vetes madje edhe publikisht.” – thotë Paloka.
