Gënjeshtarët janë shumë herë më të vështirë për t’u dalluar se sa mund të mendoni, sugjeron një studim i fundit.
Njerëzit që gënjejnë kanë një tendencë për të fshehur ‘shenjat treguese’, të tilla si shmangia e kontaktit me sy dhe lëvizjet e vazhdueshme të duarve ose këmbëve.
Autori kryesor i studimit, Dr Martin Corley u shpreh:
Gjetjet sugjerojnë se ne kemi paragjykime të forta rreth sjelljeve që lidhen me gënjeshtrën, me anë të të cilave veprojmë pothuajse instinktivisht kur dëgjojmë të tjerët. Megjithatë, ne nuk prodhojmë domosdoshmërisht këto shenja kur ne jemi të gënjyer, ndoshta sepse përpiqemi t’i shtypim ato.”
Studiuesit përdorën një lojë interaktive për të vlerësuar llojet e fjalëve dhe gjesteve që bëjnë njerëzit kur gënjejnë. Ata gjithashtu analizuan se si një dëgjues mundohet të zbulojë nëse një deklaratë është e rreme ose jo.
Loja kompjuterike me dy lojtarë përfshinte 24 çifte të cilët ishin duke gjuajtur në mënyrë konkuruese për thesarin. Lojtarët kishin zgjedhjen mes të qenit të sinqertë se ku ishte fshehur thesari apo jo.
Njerëzit kryesisht besojnë se dikush është duke gënjyer nëse thonë ‘um’ ose ‘uh’, përsërisin fjalët ose korrigjojnë veten në gjysmë të fjalisë etj.
Megjithatë, studiuesit besojnë se gënjeshtarët mund të bëjnë një përpjekje të vetëdijshme për t’i shmangur këto shenja, duke bërë të kundërtën e asaj që pritej. Pra ju shohin drejtpërdrejtë në sy ose qëndrojnë të ngurtë në gjuhën e tyre të trupit.
Si rezultat, shumë nga lojtarët në studim u mashtruan në mendimin se kundërshtari i tyre ishte duke thënë të vërtetën. Shkencëtarët besojnë se kjo mund të shtyjë kërkime të mëtejshme për të zbuluar mënyrën se si njerëzit mashtrohen. /JOQ/
