Të dhënat e plota për vitin 2017, janë siguruar nga policia dhe janë raportuar Avokatit të Popullit të Greqisë, mbi shtetësinë e të huajve që presin në qelitë e komisariateve për tu deportuar. Shifra e larta që tregojnë se nga 13,439 të dëbimit të detyruar, 11,111 prej tyre janë emigrantë shqiptar, që përbëjnë 83%. Mbi të gjitha nga ky raport transparencë i policisë tregon qartë numrin e lartë e të huajve që vuajnë dënimin për tu deportuar i cili është në masën 27% të numrit të përgjithshëm të dënuarve në këtë vend.
Shifrat e të paraburgosurve administrativë që do të debohen
Sa i përket të paraburgosurve administrativë, policia greke (ELAS-i) informoi Avokatin e Popullit se më 1 nëntor 2017 në Qendrat e Para-Deportimit mbaheshin gjithsej 2,598 të huaj, një numër që është mbi 60% më i madh se një vit më parë ku numti i të burgosurve ishte 1,583.
Numri përkatës i të huajve që do të kthehen por që mbahen në ambientet e paraburgimit të policisë më 1 nëntor 2017 ishte 974 persona.
Përvec paraburgosjes probleme kryesore të ngritura në vitin 2017, lidhur me procedurat e kthimit janë: Informacion i pasaktë i të burgosurve në procesin e kthimit, së bashku me një mungesë të plotë të interpretimit. Interpretimi është i rëndësishëm për të gjitha të drejtat e të burgosurve, pasi që qendrat e ndalimit bashkëjetojnë me kategori të ndryshme të të burgosurve, thekson nga ana e tij Avokati i Popullit te Greqisë.
Por mbi te gjitha vlen për t’u theksuar se Greqia si një vend pritës i emigrantëve ku mbi 605 janë shqiptarë ka bërë me dhjetra studime për këtë komunitet, në një kohë që Shqiperia ende nuk ka bërë asnjë për emigracionin shqiptar në Greqi.
