Zonat e Mbrojtura në Shqipëri vlerësohen si një mundësi efektive për zhvillimin e turizmit të qëndrueshëm. Ato përfaqësojnë në vetvete, resurse të jashtëzakonshme dhe bukuri natyrore, që tërheqin në vazhdimësi turistë vendas dhe nga vende të tjera të botës.
Prandaj dhe po punohet fort që këto zona të mbrojtura të promovohen për vlerat e jashtëzakonshme të biodiversitetit që ato mbartin, por edhe si destinacione të rëndësishme turistike në nivel kombëtar dhe më gjerë.
Peizazhi i Mbrojtur Vjosë-Nartë është një tjetër destinacion mjaft interesant për t’u eksploruar pasi bukuritë natyrore dhe vendet mjaft të bukura që ofron e bëjnë këtë vend atraksion turistik për çdo turistë.
Ministri i Turizmit dhe Mjedisit, Blendi Klosi me anë të disa peizazheve nga kjo zonë shprehet se ”nga Peizazhi i Mbrojtur Vjosë-Nartë, ku u mbollën 500 fidanë të llojit pishë e egër dhe u realizuan punime për rigjenerimin natyror të pyllit nga stafi i zonës së mbrojtur”.
Pra tashmë kjo zonë përveç bukurive natyrore po shndërrohet në një vend me bimësi e cila ndihmon biodiversitetin dhe ku vizitorët mund të realizojnë piknike dhe të argëtohen nën qetësinë natyrore dhe bimësisë.
