Akademia Suedeze e Arteve ka bërë skandalin e radhës sot, ajo ka ndarë tashmë çmimin Nobelin për Letërsi për vitet 2018 dhe 2019 novelistit austriak Peter Handke. Handke është adhuruesi dhe përkrahësi i madh i kriminelit serb që kreu gjenocid në Kosovë, Slobodan Milosevic.
Ky person kishte marrë pjesë madje edhe në varrimin e kriminelit serb Milosevic, po ashtu aty kishte mbajtur një fjalim ku thurte vargje dhe fjalime për kriminelin serb duke e lavdëruar. E ndaj kësaj ka reaguar edhe shoqata e shkrimtarëve amerikan PEN duke thënë se është e papranueshme një gjë e tillë.
Ky është reagimi:
PEN’i Amerikan përgjithësisht nuk i komenton çmimet për letërsi që i japin institucionet e tjera. Ne e dimë që këto vendime janë subjektive dhe kriteret nuk janë uniforme. Megjithatë, kjo deklaratë për dhënien e çmimit Nobel për Peter Handken duhet të jetë një përjashtim. Ne jemi të shokuar për përzgjedhjen e një shkrimtari që ka përdorur zërin e tij, publikisht, që të shtrembërojë të vërtetat historike dhe t’i japë përkrahje kryesit të gjenocideve, si ish-presidentit serb, Slobodan Milloshevic dhe ish-liderit serb të Bosnjes, Radovan Karagjic.
Shpallja e austriakut, Peter Handle si fitues i çmimit Nobel për letërsi për vitin 2019, është pritur me reagime të ashpra. 77 vjeçar ishte po ashtu një nga personat më kontrovers duke kritikuar bombardimet e NATO’s dhe përkrahur luftërat e Jugosllavisë në Ballkan.
Ai madje vite më parë ka qëndruar në Kosovë ku serbëve të Hoçës së Madhe ua ka dorëzuar donacionin prej 50 mijë eurosh për ndërtimin e një pishine në fshat. Shumë njerëz i kishin protestuar çmimet e marra prej tij, pasi e kishin përshkruar si fashist me lidhje të forta me kriminelë lufte.
Më poshtë keni edhe fjalimin e austriakut ku kishte folur në funeralin e Slobodan Miloseviti, kriminelit të dënuar nga Gjykata e Hagës. “Bota, e ashtu-quajtura botë, di gjithçka për Jugollavinë, Serbinë. Bota, e ashtuquajtura botë, di gjithçka për Sllobodan Millosheviqin. E ashtuquajtura botë e di të vërtetën. Kjo është arsyeja pse kjo e ashtuquajtur botë mungon sot, dhe jo vetëm sot, dhe jo vetëm këtu. Unë nuk e di të vërtetën. Por unë shikoj. Dëgjoj. Ndjej. Kujtoj. Kjo është arsyeja pse unë jam këtu sot, afër Jugosllavisë, afër Serbisë, afër Sllobodan Millosheviqit”./gazetametro.ne
