Categories Lajme

Për 100 mijë dollarëshin që jep policia për atentatorët ndaj “Top Channel”

Ka një debat këto ditë lidhur me një shpërblim që policia ka dhënë për ata që japin informacion për autorët e sulmit me armë ndaj televizionit “Top Channel”. Vetëm 24 orë pas ngjarjes së rëndë, Policia e Shtetit njoftoi se vendoste në dispozicion të atyre që japin informacion për autorët shumën 100 mijë euro duke ruajtur edhe anonimatin.

Kam lexuar lloj-lloj opinionesh që nga gazetarë e politikanë e deri te ekspertë të facebook-ut. Një pjesë habiten dhe një pjesë “i bien tavolinës” se kjo shumë është e ekzagjeruar. Së pari, dua të them se kjo mënyrë është procedura më normale që policia shqiptare dhe çdo polici në botë kryen për ngjarje që i çmon që duhet të japë shpërblim për të shkuar te autori, sepse janë një magnet pothuajse i sigurt dhe i efektshëm.

Për informacion, policia ka dhënë shpërblime dhe në kohën më të keqe financiare të vendit dhe kur financat kanë qenë në prag të kolapsit. Dhe bëhet fjalë për shuma edhe më të mëdha se kaq. Shuma më e madhe që policia kë vë në dispozion deri tani rezulton të jetë për vrasjen e ish-kryetarit të parë të PD-së dhe deputetit Azem Hajdari të vrarë më 12 shtator 1998. Për ata që jepnin informacion policia vuri në dispozicion 250 mijë dollarë dhe e veçanta është se kjo shumë është marrë.

Pra, me fjalë të tjera qytetarë anonimë kanë dhënë informacionin e duhur që ka sjellë identifikimin, arrestimin dhe më pas dënimin e autorëve. Së dyti, kjo nuk është e vetmja ngjarje që janë vënë në dispozicion shuma të konsiderushme parash por edhe që janë marrë nga informatorët që kanë goditur në shenjë.

Ajo që duhet të kërkojmë në kësi rastesh është transparenca e brendshme që duhet të bëjnë instancat e policisë se kush i mori këto para dhe a u dhanë në destinacionin e duhur këto para. Dhe më e rëndësishmja fare, a u ruajt anonimati? Ndërkohë, lidhur me ngjarjen e “Top Channel” tregon se vënia na dispozicion të kësaj shume është sinjal që së pari policia nuk ka informacione se kush janë autorët dhe e dyta që jepet një mundësi që ata që kanë dijeni të japin informacion dhe të marrin paratë.

Për ironi apo rastësi, shuma në fjalë është po aq sa shuma që pritet të marrë fituesi i “Big Brother”. Uroj që autorët të gjenden sa më shpejtë. Qoftë falë edhe dhenies së informacioneve duke marrë 100 mijë euro.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Pas radhës kilometrike të mjeteve, hiqet përkohësisht pagesa në autostradën Thumanë-Kashar

Pas skandalit të mëngjesit të sotëm me trafikun kilometrik nga aksi Thumanë-Kashar, mësohet se është…

LEXO ME SHUME
Categories Lajme

Vihen nën kontroll flakët në Llogara, drejtori i zjarrfikëses: Zjarri patjetër që ka dorën e njeriut

Zjarri që ra pasditen e djeshme në Llogara është vënë nën kontroll, ndërsa po punohet…

LEXO ME SHUME
Categories Lajme

Detaje/ Euro, blloqe dhe telefona, çfarë iu sekuestrua Beqajt dhe bashkëpunëtorëve pas kontrollit në banesë dhe zyrë

Pas më shumë se një viti hetimesh, ish-ministri i Shëndetësisë Ilir Beqaj është vënë sot…

LEXO ME SHUME
Categories Lajme

SPAK rëndon pozitën e ish-kryebashkiakut Jorgo Goro, sekuestrohen 4 ha tokë në Himarë

Rëndohen akuzat ndaj Jorgo Goros, tashmë në burg. Prokuroria e Posaçme kundër Korrupsionit dhe Krimit…

LEXO ME SHUME
Categories Lajme

Tentuan të trafikonin kokainë nga Amerika Latine, si ranë në pranga 3 shqiptarët në Itali

Një tjetër goditje e rëndësishme ndaj trafikut të drogës është kryer Guardia di Finanza e…

LEXO ME SHUME