Për herë të parë në Shqipëri numri i të paraburgosurve e ka kaluar atë të të dënuarve. Kjo ka krijuar mbipopullim të burgjeve. Aktualisht në Shqipëri janë 2200 të dënuar dhe 2800 të paraburgosur.
Ligji për ekzekutimin e vendimeve penale e ka të qartë që të paraburgosurit nuk mund të mbahen në të njëjtat ambiente me të burgosurit nesë nuk ka një vendim të formës së prerë. Bie në sy fakti se mbi 50% e të burgosurve, rezultojnë të dënuar ose arrestuar për drogë, vrasje dhe vjedhje. Akuzat e tjera si mashtrim, plagosje apo organizatë kriminale zënë një përqindje fare të vogël të veprave penale.
