Një aksident i rëndë ka ndodhur në aksin rrugor Tiranë-Elbasan.
Dy makina janë përplasur me njëra-tjetrën dhe për pasojë ka humbur jetën një nga shoferët.
Raportohet se automjeti me drejtues shtetasin me iniciale E. Q. është përplasur me automjetin që drejtohej nga 55-vjeçari me iniciale Sh. K.
Ky i fundit ka humbur jetën, ndërsa pasagjerja që udhëtonte në makinën e tij, shtetasja V. K., ndodhet nën kujdesin e mjekëve.
Tiranë/Informacion paraprak
Më datë 23.05.2023, në aksin rrugor Tiranë – Elbasan, automjeti me drejtues shtetasin E. Q. është përplasur me automjetin me drejtues Sh. K.
Si pasojë e aksidentit, ka humbur jetën shtetasi Sh. K., 55 vjeç dhe është dëmtuar pasagjerja që udhëtonte në automjetin e tij, shtetasja V. K., e cila ndodhet nën kujdesin e mjekëve.
Grupi hetimor po punon për sqarimin e rrethanave të aksidentit.
