Estien Dine, 24 vjeç, është polici që ka përplasur për vdekje 12-vjeçarin në Gjirokastër. Mësohet se ngjarja ndodhi në fshatin Valare të Gjirokastrës.
Së fundmi, bëhet me dije se efektivi kishte lidhje familjare me të miturin. Ai është shokuar, pasi ka parë 12-vjeçarin, pa shenja jete në tokë.
Pas ngjarjes, Dine ka tentuar që t’i japë fund jetës dhe ka përfunduar në spital.
“Më datë 23.10.2022, Drejtoria Rajonale e AMP Vlorë-Gjirokastër arrestoi në flagrancë punonjësin e policisë Inspektor E. D., 24 vjeç, me detyrë Trup shërbimi në kufirin e gjelbër në Stacionin e Policisë Kufitare Kakavijë, në DVKM Gjirokastër.
Arrestimi i këtij shtetasi u krye pasi më datë 22.10.2022, rreth orës 18:40, duke drejtuar automjetin Mercedes Benz në aksin rrugor Shën Todhër-Valare, në hyrje të fshatit Valare ka aksidentuar shtetasin E. I., 12 vjeç, i cili ka ndërruar jetë.
Materialet proceduriale i kalojnë Prokurorisë së Rrethit Gjyqësor Gjirokastër për kryerjen e veprës penale “Shkelja e rregullave të qarkullimit rrugor, parashikuar nga neni 290/3 i Kodit Penal në ngarkim të punonjësit të policisë E.D”, lajmeron policia.
