Një drejtuese mjeti shqiptare është përfshirë në një aksident automobilistik në Milano të Italisë.
Gruaja me origjinë shqiptare, identiteti i së cilës nuk bëhet me dije, ka përplasur rëndë një 34-vjeçar që po udhëtonte me motor.
Një dëshmitar okular tregoi se shqiptarja la makinën e saj tip “Volkswagen” me targa shqiptare dhe u largua menjëherë nga vendngjarja.
I plagosuri, i cili ishte mbuluar nga gjaku, mbeti i shtrirë mbi kofanon e makinës për disa minuta, deri në momentin që erdhi ambulanca në vendin e ngjarjes.
Aksidenti ka ndodhur në kryqëzimin e rrugës “Marche” dhe rrugës “Zara”, pak para mesnatës të së shtunës rreth orës 23:36.
Policia po heton ngjarjen për të zbuluar se kush ishte fajtori i aksidentit, gruaja shqiptare, e cila ende nuk është identifikuar nga autoritetet, apo motoçiklisti 34-vjeçar.
Fatmirësisht i plagosuri ndodhet në spital jashtë rrezikut për jetën, por vlen të theksohet se ka humbur shumë gjak.
