Christian Eriksen i ka konsideruar shpifje thashethemet që qarkullojnë prej ditësh në rrjetet sociale se e dashura e tij ka fjetur me shokun e tij të ekipit, Jan Vertonghen. Eriksen dhe e dashura e tij Sabrina Kvist qendrojnë bashkë që nga viti 2012 por shumë media pretendojnë se kjo e fundit e tradhëton me shokun e ekipit.
Mesfushori i Tottenham dhe Vertonghen kanë reaguar ashpër në Twitter duke i quajtur gënjeshtra. Postimi origjinal që shkruan mbi tradhëtinë e të dashurës së Eriksen ka bërë xhiro nëpër rrjete sociale madje ata tregojnë se situata mes 2 lojtarëve ka qenë e tensionuar gjatë stërvitjes.
Por vetë Eriksen ka deklaruar se zënka që ka pasur me Vertonghen ka qenë për shkak të një përplasje fizike mes tyre gjatë seancës stërvitore dhe jo për arsye të tjera. Madje ai tregon se ka një marrëdhënie shumë të mirë me shokun e ekipit. Dyshja e Tottenham kanë qenë pjesë e skuadrës që prej vitit 2013, por gjithashtu kanë luajtur bashkë tek skuadra e Ajax.
