Një 20-vjeçare shqiptare ka humbur jetën nga një aksidenti rrugor të ndodhur mëngjesin e sotëm në Patridha të Verias në Greqi.
Ngjarja ka ndodhur në orën 9.40 të mëngjesit, në kilometrin gjashtë të rrjetit rrugor që lidh Verian me Skydrën.
Dy viktimat, një 68-vjeçare dhe 20-vjeçarja shqiptare e identifikuar me inicialet E. D., nga Njësia Administrative Tërbuf e Divjakës, sipas dëshmive, kanë qenë duke pritur në stacionin e autobusit, kur në rrethana që po hetohen, i ka përplasur një makinë e drejtuar nga një 64-vjeçar, i cili humbi kontrollin e mjetit, duke e bërë atë të dalë nga rruga.
Sipas Policisë, dy gratë janë dërguar në spitalin e Verias, ku është konstatuar vdekja. Drejtuesi i mjetit ndërkohë është arrestuar.
20-vjeçarja që humbi jetën tragjikisht paraditen e sotme (1 prill) në fshatin Patrida Veria, në Greqi teksa ishte duke pritur autobusin në stacion, është nga Shqipëria. E reja nuk jetonte në atë fshat, por kishte shkuar për të takuar tezen e saj, pasi kjo e fundit ishte sëmurë dhe do të bëhej operim. ”Unë nuk di asgjë. Ajo nuk jetonte këtu. Unë jetoj këtu dhe ajo erdhi për të takuar tezen e vet, gruan time. Gruaja do të operohej në 8 të mëngjesit dhe unë u ngrita në 6 dhe u nisa me kunatën time, ndërsa mbesën e lash në shtëpi me dy djemtë e mi”.
