Reshjet e dendura të dëborës dhe era e fortë kanë sjellë probleme në qarkullim sidomos në zonat e thella, malore. Pesëmbëdhjetë mësues kanë mbetur në rrugë në zonën e Velçanit për shkak të borës që arrin 30 cm dhe pas 30 minutash kanë mundur të arrijnë në fshatin e largët të Velçanit.
Territori Shqiptar në pjesën e parë të ditës do të jetë me alternime kthjellimesh dhe vranësirash të shpeshta të cilat më të dukshme do të jenë përgjatë zonës malore, duke sjell dhe në Verilindje dhe Juglindje të vendit flokë dëbore.
Por në pjesën e dytë të ditës parashikohet që edhe në këto zona të kemi përmirësim të kushteve atmosferike. Temperaturat e ajrit do të ulen ndjeshëm në mëngjes dhe në mesditë duke luhatur vlerat ditore nga -6°C deri në 9°C. Era do të fryjë gjatë paradites mesatare dhe e fortë me shpejtësi 60 km/h nga drejtimi Jugor duke sjell në brigjet detare dallgëzim 5 ballë, por pasditja dhe mbrëmja do të sjellin dobësim të forcës së erës.
