Policia e Pogradecit ka arrestuar 2 persona, të shpallur në kërkim për trafik droge. Në pranga përfunduan shtetasit Nexhip Ibrahimllari 37 vjeç banues në Velçan të Maliqit dhe Emanuel Çyçllari, 27 vjeç, banues në Porodinë, Korçë.
Gjykata e Shkallës së Parë e Korçës ka dënuar Ibrahimllarin me 12 vjet burgim, kurse Emanuel Çyçllarin me 8 vjet për vepra penale që lidhen me trafikun e lëndëve narkotike. Këta dy shtetas janë kapur në flagrancë prej policisë, pasi në fshatin Velçan, Maliq, iu janë gjetur dhe sekuestruar 722 kilogramë drogë e llojit kanabis sativa. Gjithashtu, ndaj dy të arrestuar rëndon edhe një akuzë tjetër, ajo e kultivimit të bimëve narkotike pasi më datë 20.08.2018, në fshatin Velçan, u godit një grup kriminal në fushën e kultivimit të narkotikëve.
Në atë kohë, materialet i kishin kaluar Prokurorisë së Korçës. Tashmë dy të arrestuarit do të dërgohen në burg.
