Një nga viktimat e tërmetit tragjik që goditi sot vendin tonë është edhe polici dhe pedagogu, Bajram Hajdarmataj. Ai ka humbur jetën në krye të detyrës, teksa ishte në Kavaleshencën e Ministrisë së Brendshme në Durrës. Kreu i shtetit, Ilir Meta ka reaguar me një mesazh ngushëllimi për familjarët dhe koleget e pedagogut dhe policit që humbi jetën.
Mesazhi i Metës: Me keqardhje të madhe u shpreha sot përfaqësuesve të Policisë së Shtetit dhe Forcave të Armatosura, nga Kavaleshenca e Ministrisë së Brendshme në Durrës, ngushëllimet më të thella e të sinqerta, për humbjen e jetës në krye të detyrës të kolegut dhe pedagogut të nderuar, Bajram Hajdarmataj. Jam pranë familjarëve, miqve dhe kolegëve të Tij në këto momente tepër të rënda për ta!
