Gjykata Penale në Belgjikë ka dënuar me burg një familje shqiptare, e cila merrej me shitje të drogave të forta, kryesisht kokainë.
Në total ishin dhjetë të pandehur dhe të gjithë i përkisnin të njëjtës familje. Dy krerëve të familjes, Gëzim L. dhe Martin L. iu dha dënimi më i ashpër nga gjykata, me 5 vite burg dhe një gjobë prej 8 mijë eurosh.
Vëllai i tretë, Erlind L. u dënua me 4 vite burg dhe një gjobë të njëjtë. Të afërmit e tjerë u dënuan me nga 2 vite burg, por bashkë me dënimin ata do të paguajnë edhe një gjobë, duke përjashtuar të pandehurin e fundit, ndaj të cilit gjykata vendosi një gjobë prej 1600 eurosh.
Pjesë e grupit ishin edhe dy motrat e familjes, të cilat janë detyruar me presion të punojnë me vëllezërit në trafikimin e lëndëve narkotike. Gjykata ndaj tyre nuk mori masën e dënimit, por i liroi nga akuzat duke i lënë të lira.
