Policia e Shtetit ka reaguar në lidhje me episodet e dhunës që po ndodhin tek selia blu. Disa protestues janë plagosur me gurë, disa të tjerë janë qëlluar me shkopa apo kanë thithur gaz lotsjellës apo spraj që shkakton të vjella.Institucioni i Ramës është distancuar nga ngjarja duke i faturuar Bashës episodet e dhunës në një deklaratë.
DEKLARATA:
Sqarojmë opinionin publik se asnjë nga strukturat e Policisë së Shtetit të angazhuara për garantimin e rendit dhe sigurisë nuk është përfshirë në asnjë veprim dhe nuk ka hedhur asnjë send të kundërligjshëm në selinë e Partisë Demokratike, gjatë protestës që është duke u zhvilluar. Policia e Shtetit është tërësisht e angazhuar për të garantuar rendin e sigurinë dhe u bën thirrje qytetarëve që të distancohen nga çdo akt dhune apo prishje e rendit dhe sigurisë, pasi do të përballen me forcën e ligjit.
