Prej 3 muajsh kontrolli teknik i automjeteve ka kaluar nga privati në pronësi të shtetit, por ende nuk janë bërë gati sportelet dhe ambientet për kolaudimin.
Për këtë arsye drejtoria e transporteve ka shtyrë me 3 muaj afatin e kolaudimit, duke njoftuar dhe autoritetet e tjera ligjzbatuese, përfshirë dhe policinë e shtetit. Pavarësisht këtij udhëzimi policia rrugore, vijon me ndëshkimin e drejtuesve të mjeteve që u ka përfunduar afati.
Baftja Nela për Klan News thotë se kolaudimi i ka përfunduar në 4 dhjetor, ndërsa kompania private ia caktoi në 22 dhjetor.
“Me datë 7.02.2021, u bllokova nga policia teksa po lëvizja për në Lushnje dhe më kërkuan dokumentat. I dhashë patentën, lejen e sigurimit dhe siguracionin. Më thanë e ke makinën pa kolaudim”, u shpreh ai.
Pas riparimit të defekteve, Nela thotë se nuk kishte ku të kryente kolaudimin për shkak të shtyrjes së afatit.
“Kam paguar siguracionin dhe më është lënë përsëri me datë 22. Me datë 30 ka dalë urdhëri i kryeministrit. Me këtë udhëzim nuk mund të shkosh në prapaveprim për datën 22 përse kam mbetur unë”, tha ai.
Drejtuesi i mjetit doli në komision ku organi shtetëror administrativ vendosi që të gjobitet me 25 mijë lekë.
“I ndërrova dhe me datë 30 doli urdhëri i kryeminstrit që pezullohet koalidimi deri më 1 Prill që do kalojë nga privati në shtet”, u shpreh Nela.
Çështja tashmë është ankimuar nga Baftjar Nela, i cili shprehet se e ka dërguar çështjen në gjykatën administrative./ Klan News
