Ka rinisur seanca plenare në Kuvendin e Shqipërisë, ku të pranishëm janë mazhoranca dhe opozita. Kryeministri Rama ndërkohë ndodhet në takimin me studentë tek Politekniku.

Para Kuvendit janë mbledhur sërish studentët të cilët i janë drejtuar Kuvendit për trajtimin e 8 kërkesave të tyre.

Si pikë të parë kanë rritjen e buxhetit të arsimit me 5% të GDP-së.

Seanca nisi me debate për praninë e mediave por edhe mungesën e Ramës. Ish-Kryeministri Berisha i kërkoi Ruçit ta thërrasë me urgjencë.

Berisha: Ka një detyrim Kushtetuta e vendit dhe Kushtetuta e Parlamenntit. Kur është fjala për buxhetin , kreu i ekzekutivit duhet të jetë këtu. Jo me vezë e speca po ta gjuajnë, por dhe me ato të tjerat që i meriton 10 herë më shumë. Thirre të vijë këtu urgjent se bëhet fjalë për buxhetin e shtetit. Nuk mund ta përfaqësojë askush atë. Kjo është shkelje e rëndë.

Ruçi: Nuk është buxheti sot, është dekreti i presidentit për buxhetin. Dekreti për buxhetin është tjetër gjë, buxheti i shtetit është gjë tjetër.

Berisha: Jeni ju apo Sadri Abazi kryetar parlamenti, që flet aty si çakall.

Live nga parlamenti