Ministrja e Arsimit, Sportit dhe Rinisë, Evis Kushi dhe ka zhvilluar sot një bashkëbisedim me mësuesit në pension në Elbasan. Ministrja Kushi tha se “bashkëbiseduam në lidhje me punët e mira që kemi bërë deri tani në fushën e arsimit, si dhe çfarë na duhet të përmirësojmë më tej për të rritur nivelin e mësimdhënies. Kanë vërtetë vlerë sugjerimet e këshillat që burojnë nga përvoja e tyre ndër vite”. “Si MASR po punojmë fort çdo ditë për të lartësuar gjithnjë e më shumë figurën e mësuesit dhe për të rritur cilësinë në arsim”, tha ajo.
Po ashtu, Kushi tha se “Portali “Mësues për Shqipërinë” që ofron transparencë dhe meritokraci në emërimin e mësuesve, trajnimi dhe kualifikimi i vazhdueshëm i tyre, si dhe përzgjedhja e më të mirëve që duan të studiojnë në programet e mësuesisë, janë disa prej iniciativave tona që po forcojnë dita-ditës rrënjët e mësimdhënies e mësimnxënies në Shqipëri”.
