Ramon Abbas mburrej në rrjete sociale me avionët e tij privatë, rrobat e shtrenjta dhe makinat luksoze. Për 2.5 milionë ndjekësit e tij ai njihej si një miliarder që ulte helikopterët e tij në apartamentin në Dubai dhe ecte me qese nga Guçi, Versace dhe Fendi. Por ishte pikërisht aktiviteti i tij në rrjete sociale që soli fundin e tij. Llogaria e Ramon në Instagram ngriti dyshimet e një agjenti federal, i cili filloi të hetonte për pasurinë e tij. Shpejt u kuptua se Abbas e kishte fituar pasurinë e tij me anë të skemave multi-miliona dollarëshe të mashtrimit. Vetë postimet e tij në Instagram u përdorën nga policia si prova të krimit. Ai tashmë gjendet në burg, dhe do të përballet me akuzat për mashtrim. Kjo padyshim do të duhet të jetë një mësim i mirë për ata që përdorin rrjetet sociale për të reklamuar luksin që buron nga punët e pista.
