Pranvera Resulaj takim me banorë të lagjes. “Pavarësia” Vota më 25 prill për të ardhmen e familjeve tuaja Në vijim të fushatës për zgjedhjet e përgjithshme të 25 prillit, kandidatja për deputete e PS në qarkun e Vlorës.
Pranvera Resulaj e shoqëruar nga prefekti i Qarkut Flamur Mamaj ka zhvilluar një takim me banorë të lagjes “Pavarësia”, ku është dhe banore e saj. Jam këtu për të kërkuar votën e mirënjohjes për kryeministrin Rama dhe qeverisjen socialiste në këto tetë vite,u shpreh kandidatja Resulaj.
Ne garojmë në këtë betejë elektorale për të marrë përsipër përgjegjësitë për të bërë maksimumin e fuqive tona dhe të zotësisë sonë, për të bërë më të mirën për ju, ju është drejtuar Resulaj qytetarëve.
Një votë që hidhet sot, nuk është thjesht votë për partinë dhe kandidatin, por është për secilin prej jush, për të ardhmen tuaj, për vendimet që do merren për ju dhe komunitetin tuaj,ka përfunduar kandidatja Pranvera Resulaj,ndërsa ka marrë besimin e banorëve të pranishëm për mbështetjen ndaj Partisë socialiste në 25 Prill.
