Prefekti i qarkut Gjirokastër z. Astrit Aliaj ditën e sotme morri pjesë në ceremoninë e zhvilluar në ambientet e spitalit Rajonal “Omer Nishani” për dorëzimin e pajisjeve mbrojtëse për personelin shëndetësor mjekë dhe infermierë. Këto pajisje mbrojtëse janë mundësuar si kontribut i Prefektit të Atikës z. Jorgo Patulis në bashkëpunim me Konsullin e Përgjithshëm të Greqisë në Gjirokastër, z. Lambros Kakissis. Ndihma e dhënë konsiston në një numër të konsiderueshëm maskash, dorezash dhe antiseptikë, të cilat janë më se të domosdoshme për stafin mjekësor në këtë periudhë të vështirë si pasojë e shpërthimit të pandemisë së koronavirusit. Ndihma mjekësore iu dorëzua Drejtorit të Spitalit Rajonal “Omer Nishani”, z. Sokol Ferruni.
Prefekti i qarkut gjatë komunikimit u shpreh falenderues për pajisjet mjekësore që arritën si donacion nga Prefektura e Atikës, duke shtuar se aleanca dhe solidariteti midis vendeve janë të rëndësishme në këto ditë të vështira.
