Categories Lajme

Presidenti e paditi në SPAK, reagon Gjonaj: Unë do përgjigjem institucionalisht

Ministrja Etilda Gjonaj reagoi në lidhje me kallëzimin penal që Presidenti Ilir Meta bëri ndaj saj dhe dy vartësve të saj në SPAK. Gjonaj përdor ironinë duke u shprehur se “Presidenti gjeti kohën të paraqitet personalisht në zyrën e sekretarisë së SPAK”. Megjithatë, Ministrja shprehet se Presidentit do t`i përgjigjet institucionalisht, ndërsa pohon se është gati t`i përgjigjet SPAK-ut.

Etilda Gjonaj: Sikur të mos i mjaftonte politika e dëshpëruar e dhunës verbale, sot Kreu i Shtetit ka gjetur kohën të paraqitet personalisht me të gjithë stafin e tij në zyrën e sekretarisë të SPAK, për të dorëzuar një kallëzim penal ndaj meje dhe stafit tim.

Në respekt të Kushtetutës dhe pozicionit tim zyrtar me Presidentin, reagimi im do jetë institucional kundrejt akteve të tij. E siguroj se jam gati t’i përgjigjem jo vetëm SPAK-ut ligjërisht po dhe atij vetë publikisht, institucionalisht dhe ligjërisht, me kulturë dhe etikë.

Pavarësisht absurditetit të kësaj historie, mbetet me rëndësi që Presidenti ka bërë hapin e duhur, njohjen e institucioneve të reja të Reformës në Drejtësi të cilën ai u lodh aq shumë duke e luftuar dhe përbaltur atë dhe cilindo që punon me të, shqiptarë dhe ndërkombëtarë.

Shpresoj që të pranojë punën e tyre edhe ditën kur drejtësia e re dhe SPAK të filloj të godasë në shenjat e njohura botërisht si njolla të Shqipërisë, politikanë dhe zyrtarë të lartë të njohur për korrupsionin dhe krimet e tyre në këtë vend. Koha që drejtësia të veprojë!

Presidenti Ilir Meta bëri kallëzim penal ndaj Ministres Etilda Gjonaj dhe dy vartësve të saj, të cilët i akuzon për shkelje të ligjit dhe Kushtetutës, pasi botuan në Fletoren Zyrtare një vendim për emërimin e ArtaVorpsit si anëtare e Gjykatës Kushtetuese. Presidenti e quan këtë një “grusht shteti”, ndërsa ka paralajmëruar mbajtjen e një tubimi në 2 mars, ku sipas tij në atë ditë do të firmoset dekreti i parë për çmontimin e kësaj tentative.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Vranë dhe hodhën në rezervuar Martin Çeçon në Kolanec, jepet dënimi për 4 të akuzuarit

Gjykatat e Korçës ka shpallur fajtorë 4 të akuzuarit për vrasjen e Martin Çeços të…

LEXO ME SHUME
Categories Lajme

867 milionë lekë për bizhu dhe veshje, si Erion Veliaj ra në “rrjetën” e SPAK prej blerjeve të Ajola Xoxës

SPAK ka dalë me njoftim zyrtar për arrestimin e Erion Veliajt të bërë mesditën e…

LEXO ME SHUME
Categories Lajme

Numërohen 99% të votave në Kosovë, opozita ka më shumë deputetë se pushteti aktual

Në KQZ janë përpunuar mbi 99% e vendvotimeve nga zgjedhjet parlamentare të 9 shkurtit, ku…

LEXO ME SHUME
Categories Lajme

Dita e sotme me vranësira dhe reshje shiu

Ditën e sotme vendi ynë do të ndikohet nga kushte atmosferike të paqëndrueshme. Moti parashikohet…

LEXO ME SHUME
Categories Lajme

Emri\ Plagoset me thikë 33-vjeçari në fshatin Hoshtimë të Vlorës

Një 33-vjeçar është plagosur sot me mjet prerës në fshatin Hoshtimë të Vlorës. I plagosuri…

LEXO ME SHUME