Presidenti Ilir Meta është takuar të shtunën me Presidentin francez, Emmanuel Macron, gjatë një vizite në Paris me ftesë të këtij të fundit.
“Shumë i lumtur të takoj Presidentin e Francës, Emmanuel Macron, të shpreh vlerësimet për marrëdhëniet tradicionale dhe të shkëlqyera mes dy vendeve dhe rëndësinë e dinamizmit të tyre e njëkohësisht rolin e tij për një Europë më të fortë e më të bashkuar”, shkroi Meta në një postim në rrjetet sociale.
Meta po zhvillon një vizitë zyrtare në Francë, ku janë të ftuar shumë krerë shtetesh me rastin e Ceremonisë së 100-vjetorit të Armëpushimit të Luftës së Parë Botërore.
